Saga af undirrituðum.................

Ég er giftur frábæri konu sem heitir Þórdís, og ég var mikil karlremba.   Þó við innum bæði fullan vinnudag leit ég aldrei við hússtörfum og hélt því fram að það væri  hlutverk konunnar að sjá um þau.    En eitt kvöldið þegar konan mín Þórdís kom heim úr vinnunni sá hún sér til mikillar ánægju að búið var að baða börnin, vaska upp, þvo þvott og hengja út, dýrindissteik var í ofninum og búið var að leggja fallega á borð og setja stóran og fallegan blómvönd á mitt borðið.   Konan mín varð auðvitað forviða og heimtaði að fá að vita hvað væri í gangi.   Eftir nokkrar fortölur viðkenndi ég fyrir henni að hafa lesið í tímariti að útivinnandi eiginkonur væru yfirleitt ástleitnar ef þær væru ekki svo þreyttar eftir að húsverkin bættust við vinnuna.  Daginn eftir gat konan mín varla beðið eftir að segja vinnufélögunum frá þessari breytingu. "Og hvað gerðist?" spurðu þeir. "Þetta var alveg frábær matur," svaraði hún.  "Freyr vaskaði meira að segja upp eftir sig, hjálpaði krökkunum með heimavinnuna, braut saman þvottinn og gekk frá öllu upp í skápana." "Og hvað gerðist síðan seinna um kvöldið?" spurðu vinnufélagarnir forvitnir.  "Ekkert," svaraði Þórdís, "hann var svo þreyttuuuuuur......."

Kv.Freyr

Þrjár konur lentu í bílslysi, dóu og fóru til himna

Þegar þær komu þangað sagði Lykla-Pétur við þær, "Það er aðeins ein regla á himnum: ekki stíga á endurnar!"

Þær fóru inn um hliðið og sáu að það voru ekkert nema endur út um allt. Það var eiginlega ómögulegt að stíga ekki á neina þeirra. Konurnar þrjár pössuðu sig á því að stíga ekki á neina önd, en því miður steig ein konan ofan á eina önd.

Um leið kom Lykla-Pétur með ljótasta mann sem hún hafði á ævi sinni séð.
 
Lykla-Pétur hlekkjaði þau saman og sagði "Refsingin fyrir að stíga ofan á önd er að eyða ævinni, hlekkjuð við þennan ljóta mann!"
 
Daginn eftir, steig önnur kona alveg óvart ofan á eina öndina. Lykla-Pétur mætti strax á svæðið með annan rosalega ljótan mann. Hann hlekkjaði þau saman eins og hann hafði gert við fyrstu konuna.

Þriðja konan sá þetta allt og vildi alls ekki eyða ævinni, hlekkjuð við ófríðan mann. Hún var því ofur varkár þegar hún steig niður fæti.

Mánuðir liðu og henni tókst að sleppa við að stíga ofan á önd. Einn dag kom Lykla-Pétur til hennar með myndarlegasta mann sem hún hafði nokkurn tíma séð. Hávaxinn, massaður, með löng augnhár og grannur.

Lykla-Pétur hlekkjaði þau saman án þess að segja orð

Hamingjusama konan sagði "Hvað ætli ég hafi gert til að verðskulda það að vera hlekkjuð við þig að eilífu?"


Myndarlegi maðurinn sagði "Ég veit ekki um þig, en ég steig ofaná önd!"

Tónleikar föstudaginn langa

 

Tónleikar verða haldnir í Hallgrímskirkju föstudaginn langa 6. apríl eftir Sigurð Sævarsson (Siggi Sæ).

Þetta er frumflutningur á þessu verki eftir okkar ástkæra fermingabróður Sigurð Sævarssonar. 

Munnræpa

Nú er rétt rúmur mánuður þangað til við hittumst.  Ég verð að segja að fyrir mig þá er mig farið að hlakka bara töluvert til að sjá gamla félaga og fermingasystkyn.  Heimasíðan hefur fengið frábærar viðtökur og þakka ég fyrir það, en það má alltaf gera betur.  Það sem mig langar ykkur um að gera er að grafa upp eitthvað af fermingamyndum, þ.e. mynd af ykkur í fermingafötunum oþh.  Mér finnst vanta svoldið af myndum af fermingum og af ykkur eins og þið eruð í dag. 

Þessi síða mun halda lífi einhvern tíma eftir 28. apríl og jafnvel breyta eitthvað um tilgang.  Ég hef verið að setja inn svona 3-4 myndir á dag síðustu 2 vikur því ég er nánast uppiskroppa með myndir og ég vildi að nýjar myndir kæmu á síðuna á hverjum degi svo fólk haldi áfram að kíkja á hana.  Einnig vantar sárlega einhverjar stuttar frásagnir oþh. og hvet ég fólk til að senda mér einhverjar línur sem hægt er að setja á bloggið, það gengur ekki að eina sem byrtist þar séu karlrembubrandarar frá honum Frey Sverris. 

Nokkrir hafa komið til mín myndum bæði með e-mail og sem ég hef skannað og þakka ég þeim kærlega fyrir að hjálpa til við að gera þesss síðu skemmtilega fyrir okkur öll.  Endilega sendið mér tillögur ef það er eitthvað sem ykkur finnst vanta á síðuna.

Kv. Gummi [e-mail]

 

Ljóskubrandari

Blindur maður villist inn á kvennabar, finnur sér stól við barborðið og pantar sér í glas. Þegar hann er búinn að sitja nokkra stund kallar hann í barþjóninn: - Heyrðu, á ég að segja þér ljóskubrandara?  Á sömu stundu dettur allt í dúnalogn á barnum, þar til konan við hlið blinda mannsins segir við hann með lágri, dimmri rödd: - "Áður en þú segir þennan brandara, góði minn, þá held ég að það sé réttast - af því að þú ert nú blindur - að ég fræði þig um fáein atriði:

1. Barþjónninn er ljóshærð kona. 2. Útkastarinn er ljóshærð kona. 3. Ég er 1,85 á hæð, 100 kíló og er með svarta beltið í karate. .. Og ég er ljóshærð. 4. Konan við hliðina á mér er ljóshærð og er Íslandsmeistari í lyftingum. 5. Konan sem situr hinum megin við þig er ljóshærð og er slandsmeistari í    vaxtarrækt.

Hugsaðu þig nú vel um, vinur. Langar þig enn að segja þennan brandara þinn?" Blindi maðurinn hugsar sig um andartak, hristir svo höfuðið og segir:

"Nei, ætli það. Ekki ef ég þarf svo að útskýra hann fimm sinnum."

Kv. Gummi

Aldrei rífast við konu sem les......

Hjón í sumarfríi fóru í bústað á Þingvallavatni. Eiginmanninum fannst best að veiða við sólarupprás. Konunni fannst gaman að lesa. Einn morgun snýr eiginmaðurinn aftur eftir nokkurra klukkustunda veiðar og ákveður að leggja sig. Þó konan þekki ekki vel til á Þingvöllum ákveður hún að fara á bátnum og sigla út á vatnið. Hún siglir stutta vegalengd út á vatnið, setur út akkerið og kemur sér vel fyrir og fer að lesa bók. Stuttu seinna kemur veiðivörður siglandi að henni á bát sínum. "Góðan daginn frú, hvað ert þú að gera?" spyr hann. "Ég er að lesa bók" svarar hún (og hugsar með sér hvort það sé ekki augljóst!). "Þú ert á lokuðu veiðisvæði" segir vörðurinn. "Fyrirgefðu en ég er ekki að veiða, ég er að lesa" segir hún. "Já" svarar hann, "En þú ert með allar græjur, hvað veit ég nema að þú farir að veiða eftir skamma stund. Ég verð að fá þig í land svo ég geti gert skýrslu um þetta". "Ef þú gerir það þá verð ég að kæra þig fyrir nauðgun!" svarar hún þá. "En ég hef ekki snert þig " segir vörðurinn forviða. "Það er rétt en þú hefur allar græjur og hvað veit ég nema að þú byrjir eftir skamma stund". "Hafðu það gott í dag frú" sagði vörðurinn og sigldi á brott.

Boðskapur sögunnar: Aldrei rífast við konu sem les. Það er mjög líklegt að hún geti líka hugsað !!

kv. Freyr

Konur alltaf praktískar.........

Maðurinn varð fyrir slysi ogr litli "vinurinn" kubbaðist af. Sérfræðingurinn á spítalanum hughreysti manninn og sagði að nú á dögum væri allt hægt og hann gæti grætt á hann nýjan vin en gallinn væri bara sá að þetta væri ekki innifalið í þessari slysaaðgerð heldur væri þetta sérfræðistörf og kostnaður töluverður. Lítill kostaði 150.000 miðlungs á 300.000 og svo risastór á 450.000. Maðurinn saup alveg hveljur en róaðist svo og sagði að hvað sem það kostaði yrði hann að fá nýjan strax og hann væri að hugsa um miðlungsgerðina. Læknirinn tók því vel en sagði að í svona málum væri nú best að hjónin ræddu þetta saman og tækju sameiginlega ákvörðun. "Hringdu bara í konuna, ég fer út á meðan, og þið komið ykkur saman. Maðurinn hringdi í konuna og læknirinn kom þá aftur inn á stofu og sagði: Jæja, og hver er nú niðurstaðan? Maðurinn var alvarlegur á svip gróf hendurnar í hár sitt og sagði: Fyrir þennan pening vill hún heldur nýja eldhúsinnréttingu!!!!!!!!

kv. Freyr

Tvíburar

Óli Þór Magnússon og konan hans Anna Sigríður Jóhannesdóttir eignuðust tvíbura í gær miðvikudaginn 14. mars, tvær stelpur báðar 11 merkur.

 Innilegar hamingjuóskir frá öllum í árgangi 1963

Óheppinn....

Einn strákur í árgangi 1963 hefur verið óheppin með báðar konurnar sínar. Sú fyrri skildi við hann og sú seinni vill ekki skilja við hann.

Of kurteis....

Maður sem er giftur konu sem fædd er 1963 hefur ekki talað við hana í fimm ár. Hann er of kurteis til að grípa fram í fyrir henni..

kv. Freyr

Vissi ekki betur...

Eftir eitt sumarfríið í skólanum voru nemendur í 6. Bekk ST látnir skrifa stílverkefni um hvað hefði gerst um sumarið.  Áslaug Finnsdóttir skrifaði:

Í sumar fórum við öll fjölskyldan og ég upp í Borgarfjörð. Á Hvanneyri sáum við alls konar dýr. Þar voru hestar og kýr, kindur og svín, hundar og kettir, og voða margar hænur. Og svo var einn gamal hani. Öll dýrin voru heilsuhraust, nema gamli haninn. Hann var orðinn svo lélegur að hænurnar þurftu að bera hann á bakinu allan liðlangan daginn."

kv. Freyr