Bráðum koma blessuð jó........ fermingaafmælið.

Jæja þá er farið að styttast verulega í hittinginn okkar þann 28. apríl.  Það er mikil stemming í fólki fyrir þessu og sést það best bara með því að sjá fjölda heimsókna á heimasíðuna.  Listinn yfir "ég ætla að mæta"  hefur lengst töluvert síðustu daga en hann er ekki fullkomlega réttur miðað við greidda seðla og póst, en svona 99% réttur.  Í dag eru rúmlega 90 búnir að greiða .  Pláss er fyrir 110 í mat og þarf að vera búið að panta matinn og gefa upp fjöldann fyrir þriðjudagskvöldið. 

Ég hvet fólk til að hringja í þá sem þeir þekkja og sjá ekki á listanum yfir þá sem ætla að mæta, og koma þessu fólki í skilning um það hversu rosalega skemmtilegt fólk þetta er sem hittist þann 28.  Það væri hræðilegt slys að missa af þessu, því þetta gerist bara á 10 ára fresti.

Formleg dagskrá dagsins er orðin klár og verður birt hér á síðunni á mánudaginn ásamt matseðli ofl.  Elvar Gottskálksson er búinn að semja fermingaafmælislagið eins og venja er og verður það sungið hástöfum.

Eins og sjá má þá er allt að gerast og undirbúningsnefndin að missa sig af spenningi .

kv. gummi